12.04.2019
Доруобуйаҕа, чэгиэн –чэбдик буоларга туһуламмыт декада сүнньүнэн оскуолабытыгар үгүс күрэхтэһиилэр, араас дьаһал ыытылыннылар. Ол курдук чөл олоххо, доруобуйаны тупсарарга, харыстыырга анаммыт кылаас чаастара буоллулар. Гигиена инструктора Л.Н.Эверстова, Россия чемпиона Е.Н.Павлова, төрөппүттэр кыттыылаах кылаас чаастара биһигини чэбдик сылдьарга ыҥырдылар. Буортулаах дьаллыктары утарар быыстапканы педагог-библиотекарь А.Е.Эрматова туруорда. Кылаастарга барыларыгар дьаллыктар буортуларын сырдатта.
Доруобуйаҥ-бэйэҥ илиигэр кылаас коллективтарын икки ардыгар плакат күрэхтэһиитэ тэрилиннэ. Хайыһар спордун Россия чемпиона Е.Н.Павлова «Лыжня России» чэрчитинэн «Хайыһардар дайдылар!»күрэхтэһиини ыытта. Алын сүһүөх кылаастарга бастакы миэстэни Олеся Епифанова , Слава Иннокентье, орто сүһүөххэ Харитон Павлов, Сандаара Фомина, Алеша Абрамов үрдүкү кылаастарга Мирослав Сазонов, Алена Ильина ыллылар. Оҕолор бары флешмобка кыттыстылар . Учууталларга М.Г.Ильина Кыайыылаах үрдүк аатын ситистэ.
Дата создания: 13.06.2019
Дата обновления: 13.06.2019
Дата публикации: 12.04.2019