Ахсынньы ый саҥатыттан мин быраатым Ярослав Булдаковтыын Москватааҕы  технопарк «МГРИ» “Хайтек” салаатыгар М.Ф.Осипова сүбэтинэн интернет ситиминэн үөрэнэн саҕалаабыппыт. Онно  Blender, Keyshot, Autodesk inventor программаларынан 3D моделирование үөрэнэбит.  Ахсынньы 12 күнүгэр информатика учуутала Любовь Григорьевна салалтатынан WorldSkills муниципальнай этабыгар  “Трехмерное моделирование изделия” диэн салааҕа ситиһиилээхтик кытынныбыт. Оҥорбут деталларбытыттан  бэриллибит моделы оҥорон, хаартысканан отчуот  Google Disk уган дьүүллүүр сүбэҕэ ыыппыппыт.  Түмүк тахсыыта -саамай долгутуулаах бириэмэ. Түмүкпүтүн истэн баран үөрүүбүтүн маҥнай ийэбитигэр  биллэрбиппит.  Бу боччумнаах күрэхтэһиигэ кыттан бастакы миэстэни ылбыппытыгар учууталбытыгар Л.Г. Семеноваҕа уонна да атын көмөлөспүт учууталларбытыгар махталбытын тиэрдэбит.

10 кылаас үөрэнээччитэ Арьян Булдаков.