Сэтинньи 24 күнүгэр оскуолабытыгар биир чаҕылхай бэлиэ түгэн буолан ааста. Ол курдук үөрэхпит кыһатыгар сайдыылаах  аныгы кэмҥэ толору эппиэттиир «Ипсум» массыына кэлбитин сүрэхтээтибит. Саҥа көлөбүтүн эрдэтээҥи УАЗ массыынабытын атыылаан, эбии быйылгы оҕуруоппут харчытын уган атыыластыбыт. Ыраах Благовещенскай куораттан Н.А.Игнатьев көрөн-истэн, талан, сүүрдэн аҕалла. Саҥа транспорт кэлэригэр Е.Е.Диодорова салайааччылаах оҕуруоппут үлэһиттэрэ, оскуола коллектива, үөрэнээччилэрбит-бука бары күргүөмнээх үлэбит түмүгүнэн күүс- көмө буоллубут. Онон саҥа массыына барыбыт күүһүнэн кэллэ. Үөрүүлээх чааска алгыс тыл астыгын, амтаннааҕын Д.Н.Луковцев анаата, баҕа санаа бастыҥын оскуолабыт дириэктэрэ Виктория Ивановна эттэ. Саҥа көлөбүт сымнаҕас, сыыдам сырыылаах буолан, оҕо аймах үүнэригэр-сайдарыгар төһүү күүс буола турдун диэн баҕарабыт.

А.Васильева