Улуу Кыайыыны аҕалсыбыттара

                  1941 сыллаахха бэс ыйын 22 күнүгэр сэрии буолла диэн суостаах тыллар Советскай Союз олохтоохторун аймаабыта. Дойдубут бары муннуктарыттан бары норуоттар Аҕа дойдуларын көмүскүүр сыаллаах туох баар күүстэрин-уохтарын харыстаабакка уоттаах сэриигэ туруммуттара. Ол курдук Саха сирин олохтоохторо туора турбакка, ким кыаҕа төһө тиийэринэн, тугунан барытынан көмөлөспүттэрэ, хорсуннук сэриилэспиттэрэ.

Быйыл Кыайыы 75 сылын бэлиэтиибит. Бу Фашистскай Германияны кытта 1941-1945 сылларга сэриигэ улахан сыранан кэлбит кыайыы буолбута. Мындаҕаайыттан сэрии хонуутугар 126 киһи ыҥырыллыбыта. Олор истэригэр «Тельман” колхозтан күөгэйэр күннэригэр сылдьар мин таайдарым ини-бии  Тихон уонна Михаил Дыдаевтар бааллара.  Михаил Николаевич Дыдаев 1942с сэтинньи  29к. Сэриигэ ыҥырыллыбыта. Кини 19-с стрелковай дивизияҕа кыттан, Хпрьков куорат анныгар сэриилэспитэ. Ыараханнык бааһыран, өр госпиталларга эмтэммитэ. Сэрии кэнниттэн 1946с  бэс ыйыгар төрөөбүт дойдутугар төннүбүтэ.

Тихон  Николаевич Дыдаев 1942с сэтинньи 29к. ыҥырыллан барбыта. Үлэ фронугар түбэһэн,  Монголияҕа күүстээх үлэҕэ сылдьыбыта. 1945с  төрөөбүт дойдутугар эргиллэн кэлбитэ.

Эйэлээх кэмҥэ кэлэн, сэрии содулун көннөрүүгэ күүскэ  үлэлээбиттэр. Саҥа оскуоланы, кулуубу уонна үгүс ыал дьиэтин тутуспуттар. Ол тутуулар билигин даҕаны бааллар, туһалыы тураллар. Мин таайдарбын көрбөтөрбүн даҕаны, кинилэр күүстээх санааларынан, дойдуга бэриниилэринэн киэн туттабын. Сэрии кэмигэр хорсуннук кыргыспыт дьоммут аатын-суолун үйэ-саас тухары умнуо суохтаахпыт.  Дима Старостин, 9-с кылаас.