09.05.2020
Улуу Кыайыы 75 сылыгар аналлаах Улуустааҕы дьиэ кэргэнинэн ааҕыы фестивалыгар оскуолабыт, нэһилиэкпит библиотекардара Литературнай быыстапка түһүлгэтигэр кыттан, бастакы миэстэни ыллылар. Куонкуруска тоҕус нэһилиэк кытынна. Аҕа дойду Улуу сэриитин сырдатар айымньыларынан уруһуй күрэхтэһиитигэр 5 кылаас үөрэнээччитэ Юля Протодьяконова Иннокентий Артамонов «Мин мантан сэриигэ барбытым» хоһоонунан уруһуйдаан ситиһиилээхтик кытынна. А. Е.Эрматова өрөспүүбүлүкэтээҕи коллекционердар күрэхтэһиилэригэр кыттан, 1855 куолаһы ылан, «Самые разные коллекции» аат хаһаайката буолла.
«Арылы» медиакииммит тэрийэн ыыппыт Кыыс Амма харыстабылыгар аналлаах «Сохраним родную Амгу» плакат күрэхтэһиитигэр уопсайа 19 үөрэнээччи кытынна. Оҕолор кылаастарын салайааччылара А.И.Луковцева, М.С. Павлова көҕүлээннэр, төрөппүттэр сүбэлээннэр, бэртээхэй ис хоһоонноох плакаттары толкуйдаан оҥорбуттар. Ийэ айылҕабыт харыстабылыгар кыттыстылар диэн сыаналыыбыт. Миэстэлэри кылааһынан таһаардыбыт. Ол курдук бастакы кылааска 1 миэстэни Кристина Артемьева, иккиһи Күннэй Кириллова, үсүһү Эрхан Иннокентьев ыллылар. Үһүс кылаас үөрэнээччилэригэр Света Павлова бастаата, Женя Николаева иккис, Дима Тарасов үһүс буоллулар. Орто сүһүөх кылаастарга бастакы миэстэни Айаал Слепцов ылыаҕын ылла. Куонкуруһу медиакиин кэрэспэдьиэннэрэ тэрийэн ыыттылар.
Дата создания: 26.05.2020
Дата обновления: 26.05.2020
Дата публикации: 09.05.2020