Аан дойдуга кутталлаах коронавирус ыарыыта турбутунан бука бары ыарыы тарҕамматын бохсууга үрдүк бэлэмнээх буолуу эрэсиимин тутуһан, бэйэ-бэйэни харыстыыр сыалтан дьиэҕэ олорон үлэлиибит , үөрэнэбит. Ол курдук оскуолабытыгар үөрэх 9, 11 экзаменнаах кылаастартан ураты дьиэҕэ олорон үөрэниигэ киирбиппит номнуо иккис нэдиэлэтэ буолла.

Дистанционнай үөрэх маҥнайгы күннэригэр сибээс мөлтөҕүнэн итиэннэ эмискэ саҥа ньыманан  үөрэниигэ кэккэ ыарахаттары көрсөн баран, кэм оннубутун булан, үөрэх ыраахтан олорон салҕанар. Ол курдук үөрэнээччилэрбит дьиэлэригэр олорон интернет, сүрүннээн ватсап ситиминэн 30-туу мүнүүтэлээх уруоктарга билиилэжрин хаҥаталлар. Эбии дьарыктаналлар. Куйаар ситиминэн ыытыллар араас күрэхтэһиилэргэ, акцияларга кыттыталаан эрэллэр. Санатан эттэххэ, Үөрэх министиэристибэтэ көҥүл биэрбитинэн, 9, 11 кылаас үөрэнээччилэрэ оскуолаҕа кэлэн сүрүн, экзаменнаах предметтэригэр үөрэнэллэр. Тохсус кылаас оҕолоро талыы экзаменнары туттарбат буоллулар. Маны таһынан түмүктүүр хонтуруолунай аахпыттан суруйуу итиэннэ 11 кылаастар саха литературатыгар хонтуруолунан өйтөн суруйуу эпидемия турбутунан тохтотулунна.11 кылаастарга  нуучча тылын, математика уонна талыы экзаменнара быһа холоон, бэс ыйын 8 күнүттэн саҕаланыа диэн буолла. Эпидемиологическай турук хайдаҕыттан көрөн, уларыйыылар киириэхтэрин сөп. Республика үрдүнэн ыраахтан олорон үөрэтиигэ учууталларга методическай көмөлөр оҥоһуллаллар.

Муус устар 17 күнүгэр кыра дохуоттаах уонна элбэх оҕолоох ыалларга  сухой паек түҥэтилиннэ. Киэһэтин учууталлар оҕо көрүүтэ-истиитэ суох буоларын утары ыытыллар рейдэлэргэ тахсаллар. Онон оҕолор уулуссаҕа, общественнай сирдэргэ  сылдьыбаттарын курдук дьаһаныахтаахпыт.

 Саха республикатын учууталларын уонна үөрэнээччилэрин дистанционнай үөрэххэ техниканан хааччыллыылара, методическай өттүнэн үлэлэрэ бастыҥнар истэригэр киирдэ.

Оскуолабытыгар сааскы оҕуруот олордуутун үлэтэ саҕаланна. Теплица бүрүлүннэ, рассада арааһа олордо.

А.Васильева